Agurra

---

Kaixo: Burlatako San Blas abesbatza gaituzu, eta webgune honetan gure bizi motz-luzearen berri eman nahi dizugu.

Badaramatzagu 25 urte dagoeneko partiturekin borroka leialean, 25 urte lan isilean –edo zaratatsuan?-, 25 urte, azken batean, handik hona kontzertuak eskaintzen, eta gozatzen, aldi berean, gure lan honekin. Zuk ere ilusio berarekin egingo duzu lan eta, jakina, duzun interes horrek bultzatu zaitu gure webgunea bisitatzera. Mila esker bisitarengatik.

Eskura ditugun baliabide guztiak erabili behar ditugu gure lana ezagutzera emateko; ez dugu, horretaz gain, inongo asmo berezirik: denoi esatea hemen gaituzuela nahi duzuenerako, gune honetan daukazuela gure historia txikia eta egun batean elkar ezagutzeko abagunea izaten badugu, plazer bat izango dela elkarren asmoak, proiektuak konpartitzea eta, zergatik ez, baita gure kontzertuak ere.

Ongi etorri, beraz, zuen etxe berri honetara: sartu, beldurrik gabe, eta esateko zernahi baduzue, badakizue non gauden eta non aurkitu.

Mila esker anitz zuen bisitagatik eta elkar ikusi arte. 
Ongi izan.